Link açıqlığı

Saatnıñ esas haberi

Putin Ukrayınadaki cenk içün Rusiye gvardiyasınıñ hadimlerine Qırımda bedava topraq bermege emir berdi


Vladimir Putin
Vladimir Putin

Ukrayınağa qarşı cenkte iştirak etken Rusiye gvardiyasınıñ hadimleri Rusiye arbiylerinen beraber Qırımda topraq damartılarını bedava ala bilecek. Böyle bir emirni Rusiye prezidenti Vladimir Putin imzaladı.

TASS Rusiye devlet haber agentligi bildirgenine köre, işbu vesiqa 2022 senesi dekabrniñ 19-nda Rusiye Federatsiyası prezidentiniñ evelki emrine deñişmeler kirsete, anda Putin Rusiye kontrolindeki Qırım ve Aqyar akimiyetine Ukrayınağa qarşı cenk içün devlet mukâfıtlarını alğan Rusiye arbiylerine ve elâk olğanlarnıñ qorantalarına bedava topraq damartılarını bermek içün qanun qabul etmege tevsiye etken edi.

Qırımnıñ Rusiye parlamenti qanun deñişmelerine qoltuttı, olarğa köre, «mahsus arbiy operatsiyanıñ» (Rusiye akimiyeti Ukrayınağa qarşı cenkni böyle adlandıra) qırımlı iştirakçilerine topraq damartıları bedava berilecek.

Aqyarnıñ Rusiye yolbaşçısı Mihail Razvojayev «mahsus operatsiyanıñ» iştirakçilerine ev qurulması içün biñge qadar topraq damartısı berilecek, dep vade etti. Aqyar sakinlerinden 2023 senesi yanvarniñ 1-ne qadar Ukrayına topraq vesiqalarını ğayrıdan resmiyleştirilmesi talap etildi.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG