Qırımdaki Rusiye polisi cinayet yapmaqnıñ qabul etilmemezligi aqqında tenbi vesiqasını faal Lutfiye Zudiyevağa bermege tırıştı. Havfsızlıq küçleri kelgen vaqıtta qadın evde yoq edi, dep haber ete aq qorçalayı öz Facebook saifesinde.
"Bir taraftan, bu planlı fevral "işi" olğanı añlaşıla ve Qırımdaki İç işler nazirligi bu meselede ğayet sistemalı. Diger taraftan, akimiyetniñ insan asılında cinayet ya da cinayet yapmaqnı planlaştırğanına inanmaq içün faraziy degil de, aqiqiy esasları olmalı. Ve insannıñ bu konkret areketleri tenbiniñ metninde kösterilmek kerek", — dep yazdı o.
Zudiyevanıñ aytqanına köre, Canköyde ve Canköy rayonında bir qaç insanğa böyle tenbi vesiqaları kelgen.
Bir kün evel Rusiye polisi hadimleri aq qorçalayıcısı Ayder Suleymanovğa tenbi vesiqasını bergen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
