QMC-nde Ukraina prezidentiniñ daimiy vekili Anton Korineviç, yarımada işğalden boşatılmağance Şimaliy Qırım kanalından Qırımğa suv berilmesi yapılmacağında işandıra.
"İç kimse suv teminatınıñ başlanması aqqında aytmay, Qırımğa suv yalıñız işğalden boşatılğanından soñ berilecek. İşğal devam etkence, suv olmaycaq", - yazdı o Facebookta.
Korineviçniñ malümatına köre, fevralniñ 11-12-sinde Ukraina Yuqarı Radasınıñ insan aqları boyunca komitetniñ Qırım ve Aqyar meselelerine dair Herson vilâyetinde köçme otuışı keçirilecek.
"Bu körüşüvde "Kalançak" kiriş-çıqış noqtasını ziyaret etilcek ve bunıñnen beraber Şimaliy Qırım kanalınıñ qapalı qısmınıñ benti de baqılacaq, çünki o kiriç-çıqış noqtanıñ yanında yerleşken. Köçme oturış suv teminatı meselesinen asıl bağlı degil", - dedi Korineviç.
Hatırlayayıq, Ukraina Yuqarı Radasınıñ budjet komitetiniñ başı Yuriy Aristov, Rusiye ilhaq etken Qırımğa suv satmaq ğayesi aqqında Azatlıq Radiosınıñ "Shemı" leyhasınıñ mühbirine ayttı.
Daa evel Rusiye Devlet Dumasınıñ qırımlı mebusı Mihail Şeremet, Dnipro suvunıñ qıta Ukrainadan ilhaq etilgen Qırımğa satılmasını tek selâmlaycaq, dep aytqan edi.
