Qırım yarımadasında aprelniñ 18-inde furtuna ihtarı qala, ava arareti 19 derecege qadar köterilecek.
Bunı yerli Gidrometeorologiya merkezi bildire.
Böylece, Aqmescitte deñişici bulutlılıq. Yağanaqlarsız. Cenüp-ğarbiy yel 7-12 m/s, bazıda 15 m/s. Ava arareti gece +5…+7°; kündüz +17…+19° derecede.
Sinoptiklerniñ tahminlerine köre, Aqyarda deñişici bulutlılıq, yağanaqlarsız. Cenüp-şarqiy yel 6-11 m/s. Ava arareti gece +6…+8º, kündüz +14…+16°.
Qırımnıñ Cenübiy yalısında deñişici bulutlılıq, yağanaqlarsız. Cenüp-ğarbiy yel 7-12 m/s. Ava arareti gece +6…+8°; kündüz +15…+17°.
Keriçte az bulutlı, yağanaqlarsız. Cenübiy, cenüp-ğarbiy yel 6-11 m/s. Ava arareti gece +6…+8°, kündüz +15…+17°.
