Novofedirivka qasabasınıñ sakinlerine Qırımnıñ Rusiye akimiyeti avgustnıñ 9-nda patlavlar neticesinde zarar körgen yaşamağan haneleri içüg tazminat bermey.
Bu aqta Rusiye kontrolindeki Qırım yolbaşçısı Sergey Aksenovğa yerli sakinlerTelegram kanalındaki video muracaatında ayttı.
«Bir çoq insan bağça evçiklerinde, donatılğan garajlarda yaşay, bir çoqunıñ ticaret mülki bar, anda yaşamasalar, o, yekâne kâr yeri ola. Şunıñ içün zararlarımıznıñ ödevi meselesini çezmege rica etemiz», – dep aytıla video muracaatında.
Al-azırda Qırımnıñ Rusiye akimiyeti bu muracaatqa resmiy bir cevap bermedi.
Avgustnıñ 9-nda Saq rayonınıñ Novofedirivka qasabasınıñ arbiy uçaq alanında patlavlar oldı. Rusiye akimiyeti «yaqın evlerden» tahminen 30 kişi tahliye etildi, dep bildirdi. 60-tan çoq mesken ev zarar kördi.
Rusiye Mudafaa nazirligi Novofedirivkada (Saq) arbiy uçaq alanında olğan patlavlarnıñ sebebi «bir qaç aviatsiya silâsınıñ detonatsiyası» oldı, dep bildire. «İnterfaks» Rusiye neşiri Rusiye Federatsiyasınıñ Mudafaa nazirligindeki menbasına esaslanıp haber etkenine köre, müessise patlavlarnıñ esas sebebi olaraq «yanğın telükesizligi qaideleriniñ bozuluvını» saya.
Ukrayına akimiyeti ve arbiyleri Rusiye işğal etken Qırımdaki patlavlardan mesüliyetini tanımadı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
