Link açıqlığı

Saatnıñ esas haberi

Qırımda Nikolayevka yalısında boynuna girâ bağlı olğan ölü aqaynı taptılar - matbuat


Nikolayevka, Qırım
Nikolayevka, Qırım

Aqmescit (Simferopol) rayonınıñ Nikolayevka qasabasınıñ plâjında turistler, boynuna girâ bağlı olğan aqaynıñ cesedini taptılar. Bu aqta Qırım matbuatı bildirmekte.

"Tünevin (iyül 8 - QA) cesedni yarıp baqtılar, şimdi vaqianıñ tafsilâtını bilmege tırışalar", - dep yaza Rusiyeniñ Qırım boyunca Tahqiqat Komitetiniñ beyanatına esaslanıp "Krıminform" matbuatı.

"Komsomolskaya pravda" rusiye matbuatınıñ malümatına köre, adamnıñ cesedini yalığa aqıntı atıp çıqardı.

"Balalar çıqardılar ve üstüni örttiler. Beti pek yaralı edi, tanımaq mümkün degil edi. Urbası resmiy edi - beyaz töpesi, qara aşası, daa üstten sıcaq payta ve mokasin bar edi", - dep yaza vaqia yerinde olğan adamnıñ sözlerinden media.

Şimdilik Rusiye ve ilhaq etilgen Qırımnıñ mesuliyetli müessiselerinden bu adiseniñ tasdıqı yoq.

XS
SM
MD
LG