Aprelniñ 22-nde saba Qırımnıñ Yedi Quyu rayonında patlav sesleri eşitildi, dep haber ete Qırımnıñ Telegram kanalları. «Mash na volne» Telegram kanalı bildirgenine köre, Rusiye ava mudafaası Azaq deñizinde eki ateşnen belli olmağan bir obyektni tüşürdi.
«İlk malümatqa köre, eki ateşnen Azaq deñizindeki duşman obyekti tüşürildi. Yaqın rayonlarnıñ sakinleri küçlü seslerni eşitti», – dep aytıla haberde.
Qırımnıñ Rusiye yolbaşçısı Sergey Aksenov Rusiye ava mudafaasınıñ işi aqqında bildirdi, lâkin tafsilâtlar bermedi.
«Qırımda ava mudafaasınıñ quvetleri çalıştı. Zarar ve yaralanğanlar yoq. Er kesten tınç olıp, teşkerilgen malümat menbalarına işanmalarını rica etem», – dep yazdı Aksenov Telegram kanalında.
Yedi Quyu rayonı Qırım yarımadasınıñ şarqında buluna.
Rusiye ve Ukrayına arbiyleri vaziyetni daa izaatlamadı.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayıina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
