Qırımda keçken künü yañı koronavirus hastalarınıñ sayısı 501 oldı. Bu aqta işğal etilgen Qırımnıñ Rusiye sağlıq nazirligi bildirdi.
Eki insan vefat etti, 538 kişi yahşı oldı.
Qayd etilgenine köre, soñki sefer Qırımda bir künde 500-den çoq COVID-19 hasta sayısı mart ayında qayd etilgen edi.
Aqyarda, şeerniñ Rusiye memuriyeti malümatına köre, yañı hasta sayısı birden eksildi – bir kün evelsi 36 hasta oldı (avgustnıñ 29-nda 300-dep çoq), bir kişi can berdi.
Avgustnıñ 16-nda Rusiyede martnıñ 20-nden berli ilk sefer 30 biñden çoq COVID-19 hastası qayd etildi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
