Kıyivde Qırım işğaline qarşılıq Künü munasebetinen ''Taş sındır. Qırımdaki qadınlarnıñ qarşılığı'' sergisi açıla, onı Ukrayina prezidentiniñ Qırım Muhtar Cumhuriyetindeki Temsilciligi ve "Qırım platforması" Ofisi teşkil etti.
Mında ömürleri ya da bediiy ameliyatları Qırım ve işğal altındaki yaşayış tecribesi ile sıq bağlı olğan zemaneviy ukrayin ressamlarınıñ işleri taqdim etilecek. Sanat işleri eki yönelişte taqdim etilecek. Birincisi işğal etilgen Qırımnıñ zemaneviy vaqialarına bağışlana. Ekincisi Qırım ilhaqınıñ tarihiy ve ruhiy taraflarına ait.
''Bu leyha Ukrayinağa qoltutqanları içün qanunsız apiske alınğan qadınlarnıñ ikâyelerine keniş auditoriyanıñ diqqatını celp etmek içün teşkil etildi; siyasiy mabüslerniñ apaylarınıñ iradesine, em de öz aqları ve serbestligi içün küreşken, işğalcilerge er kün qarşılıq köstergenlerge ürmet köstermek içün. Serginiñ maqsadı, Qırımdaki Ukrayina vatandaşlarınıñ istilâsı devam etkenini köstermektir, lâkin olar işğalci rejimge qarşılıq köstermek içün büyük bedel ödeyler", - dep aytıla leyhanıñ matbuat beyanatında.
''Taş sındır. Qırımdaki qadınlarnıñ qarşılığı'' sergisi çerçivesinde öz eserlerini kösterecek ressamlar arasında Emine Ziyatdinova, Alevtina Kahidze, Mariya Kulikovskaya, Liya Dostleva, Yuliya Po, ''Zlaya Mavka'' qadınlar tirenüv areketiniñ faalleri.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
