Rusiye İİN-niñ Qırım idaresiniñ baş müavini Aleksandr Smaglin, soñki künde sınırlayıcı tedbirlerni bozğan pensiyalılarnıñ sayısı 300-den ziyade olğanını haber etti. Aynı vaqıtta, 58 qırımlı özüni izolâtsiya etüv rejimini bozdı.
"Politsiya tışarıda yürgen 300-den ziyade esli adamnı toqtattı. Er kesniñ adları yazıldı, olarnıevlerine ozğardılar... Bundan ğayrı polis hadimleri, şeerniñ içinde izin vesiqası olmazdan yürgen adamlarnıñ 58 qanun bozuqlığını qayd etti. Er kesnen şahsiy körüşip, meseleni çezecekmiz", - dedi Smaglin.
Hatırlatayıq, aprelniñ 6-sında sebepsiz tışarıda bulunğan 243 pensiyalı aqqında bildirile edi.
Aprelniñ 5-nde saba işğal edilgen Qırımda 2974 insan tibbiy közetüv altında, 2886-sı dinamik közetüvde qala. 66 insan hastahanede, 22 insan observatorda buluna. Qırımda 20 koronavirus yuqunçı hastası qayd etildi, 6 tüzelgen hasta hastahaneden çıkarıldı. Aqyarda 5 kişi koronavirusqa oğradı.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
