Link açıqlığı

Saatnıñ esas haberi

Ukraina Aqyardaki opera teatri sebebinden Avstriya şirketine qarşı sanktsiyalarnı artıq qoya – TİN


Ukraina, Aqyardaki opera teatriniñ leyhasını azırlav içün «Coop Himmelb (l) au» Avstriya mimarlıq bürosı ve onıñ reberligine qarşı sanktsiyalar qoyuv protsedurasını başladı. Bu Tış işler nazirligi Azatlıq Radiosınıñ malümat talabına cevap berip bildirdi. ​

«Coop Himmelb (l) au» Avstriya mimarlıq bürosı Rusiye tarafından işğal etilgen Aqyarda opera teatriniñ quruv leyhasında iştirak etkeni içün, Ukraina Avstriya mimarlıq bürosınıñ cinayet taqibi içün devlet içinde protseduralarnı başladı» , – yazıla bilidrmede.

TİN-de qayd ettiler ki, Ukraina şirket ve onıñ reberligine qarşı sanktsiyalarnıñ qoyuluvını başlağan.

Evel Avstriya, Rusiye tarafından Qırımnıñ qanunsız işğalini takbih etmege ve tanımama siyasetini, şu cümleden sanktsiyalarnı da desteklemege devam ete. Amma Avstriyanıñ Avropa, integratsiya ve tış işler federal nazirligi, AB-niñ yarımadanıñ işğaline qarşı sanktsiyaları "yalıñız bazı iqtisadiy faaliyentni yasaq ete, amma hususiy şirketlerniñ Qırım ile bütün iqtisadiy münsebetelrini degil", dep bildirdi.

Avstriyadaki Ukraina elçisi Oleksandr Şçerbak, mimarlıq bürosınıñ müdiri Volf Priksqa adını lekelememek içün qurucılıqta iştirak etmemege çağırğan, amma o red etken.

XS
SM
MD
LG