Rusiye kontrolindeki Aluşta şeer mahkemesi yerli sakinni patlayıcı madde ve silâ saqlağanında qabaatlap, sekiz yılğa azatlıqtan marum etti ve 30 biñ ruble para cezasını berdi. Bu aqta Rusiye ve Qırım kütleviy haber vastaları Qırımdaki Rusiye FSB idaresiniñ matbuat hızmeti bergen malümatqa esaslanıp bildire.
«Yaşağan yerinde özü yapqan 500 grammdan çoq patlayıcı maddesi olğan patlav cihazını saqladı. Bundan ğayrı, tintüv vaqtında pıştav, trotil, barot ve qanunsız faaliyetnen bağlı diger şeyler tapıldı», – dep bildire Rusiye FSBsiniñ malümatını «Krıminform».
Bundan ğayrı, Rusiye FSBsiniñ malümatına köre, tintüv vaqtında «esap tehnikası ve radiokal videolar, milletçi timsallernen» ve «Ukrayına milliy batalyonlarınıñ azalarınen yazışuv» olğan cep telefon vastaları tapıldı.
Mahkümniñ adı ve soyadı aydınlatılmay, onıñ açıq izaatları yoq.
«Krımskiy veter» Telegram kanalı bildirgenine köre, mabüs Ukrayına vatanperveri ola.
Aq qorçalayıcılarnıñ malümatına köre, Ukrayınağa qarşı büyük cenk başlağanından işğal etilgen topraqlarda Rusiye quvetçileri Ukrayına vatanperverleri, göñülli, cemaat faalleri, jurnalist, ATO/OOS veteranlarını daa sıq hırsızlap başladı.
Rusiye kontrolindeki Aqyarnıñ Nahimov rayon mahkemesi yerli sakinni evde patlayıcı maddeni saqlağanında qabaatlap, şartlı olaraq apiske aldı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
