Link açıqlığı

Saatnıñ esas haberi

Qırımda 60 yaşındaki qadınğa RF ordusınıñ itibardan tüşürilmesi maddesine istinaden para cezası berildi


Tasviriy resim
Tasviriy resim

İşğal etilgen Qırımnıñ Qarasuvbazar rayonınıñ sakini Rusiye ordusınıñ itibardan tüşürilmesi maddesine istinaden 40 biñ ruble para cezasını aldı. Bu aqta Rusiye kontrolindeki Nizhnogorsk rayon mahkemesiniñ matbuat hızmeti haber etti.

Qayd etilgenine köre, 60 yaşındaki qadın "Odnoklassniki" adlı Rusiye içtimaiy ağında "ukrayin milletçileriniñ atributı" olğan fotoresimler ve yırlarnı yerleştirgen.

Tam mıqyaslı istilâ başlağan soñ Rusiye Federatsiyası ve onıñ tarafından işğal etilgen topraqlarda Rusiye ordusınıñ diskreditatsiyası aqqında Memuriy cinayetler kodeksiniñ 20.3.3 maddesi kirsetildi.

Ukrayina prezidentiniñ Qırım Muhtar Cumhuriyetindeki temsilciliginiñ malümatına köre, 2024 senesi dekabr ayınıñ soñuna qadar Qırımda Rusiye ordusınıñ diskreditatsiyası maddesine istinaden 1126 memuriy dava açılğan.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG