İşğal etilgen Qırımnıñ Qurman qasabasında avgustnıñ 31-nde saba büyük yanğın oldı.
Qırım.Aqiqat mühbiri yerli sakinlerniñ malümatına esaslanıp bildirgenine köre, qasaba merkezindeki «Dobrotsen» hocalıq ve azıq ağ tükânı yanıp başladı.
Qayd etilgenine köre, alev yaqın olğan qurucılıq malzemeleriniñ tükânına keçti.
Al-azırda yanğın söndürildi.
«Dobrotsen» ağı bildirgenine köre, tükân zarar körmedi ve elektrik problemi çezilgeninen çalışacaq.
Qurman rayonınıñ Rusiye yolbaşçısı Roman Şatayev yanğın qurucılıq tükânında oldı, dep haber etti. Onıñ aytqanına köre, yaralanğan ve ölgenler yoq.
Ukrayına saifeleri ise yanğın cermay bazasında oldı, dep bildirdi.
Google Mapste körüngeni kibi, tükânlarnıñ yaqınlarında kerçekten cermay bazası ve bir qaç yaqarlıq stantsiyası bar. Qırım.Aqiqat menbalarınıñ bildirgenine köre, olar yandı, amma sebebi belli degil.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
