Martnıñ 24-ünde saba Ukrainada tasdıqlanğan 84 COVID-19 adisesi bar. Bir kün evelsi 76 hasta bar edi, bildire Azatlıq Radiosı.
Eñ çoq adise Kyivde - 29. Çernivtsi vilâyetinde 25 (1 ölü), Kyiv vilâyetinde - 15 (tünevin 10), İvano-Frankivsk vilâyetinde - 5 (1 ölü), Dnipropetrivsk, Jıtomir, Lviv, Ternopil vilâyetlerinde - 2-şer, Donetsk ve Çerkassı vilâyetlerinde - 1-er adise.
COVID-19 virusından üç adam elâk oldı, birisi tedaviylendi.
Martnıñ 24-ünde dünyada tasdıqlanğan 382 000-den ziyade koronavirus hastası bar. COVID-19 virusından 16574 öldi, 102 000 adam tedaviylendi.
