Link açıqlığı

Saatnıñ esas haberi

Konstantinov Qırım sakinleri pensiya islâatına qol tutqanlarından emin


Vladimir Konstantinov
Vladimir Konstantinov

Kreml nezareti altındaki Qırım akimiyetiniñ reisi Vladimir Konstantinov, Qırım sakinleri pensiya islâatına qol tutacaqlarından emin. Bu aqta o sentâbrniñ 7-sinde muhbirlerge ayttı dep yaza “Krıminform”.

“Qırım sakinleriniñ ekseriyeti pensiya islâatına qol tuta. Biz arrta qalğan milletlerden olmamalımız. Amma ilerlemek içün bir sıra islâatlardan keçmek kerekmiz. Atta baştan bizge qıyın olsa da. Ama biz buña azırmız ve Qırım sakinleri bütün merkeziy akimiyetimiz ve prezidentimizniñ islâatlarına qol tutacaq”, - dedi o.

Yarımadanıñ çeşit köşelerinde Rusiye Kommunist fırqası pensiya islâatına qarşı miting ve piketler keçire, imza cıya. Çoqusı qasabalarnıñ akimiyeti böyle toplaşuvlarğa izin bermey. Sentâbrniñ 2-sinde Aqyarda qomşu Rusiye ükümetiniñ istifasını ve pensiya islâatı boyunca referendum keçirmesini talap ete ediler.

Avgustnıñ 29-ında Rusiye prezidenti Vladimir Putin televizion hitabında pensiya yaşını arttırmağa teklif etti - qadınlarğa 60 yaşınace, akimiyet teklif etken 63-kece degil. Amma aqaylarğa kelgende, Putin Medvedev akimiyetinen razı, olar pensiyağa 65 yaşında çıqmaq kerek. Bundan ğayrı, pensiyağa yaqın yaştaki halqnıñ işten çıqaruv ya da işke almamazlıq meselesi içün memuriy ve cezaiy mesüliyetni belgilemek kerek dep qoştı o.

Daa evel Kreml nezareti altındaki Qırım ve Aqyar akimiyetleri pensiya islâatı aqqında rusiye qanun leyhasına qol tuttı.

XS
SM
MD
LG