Keriç boğazında Romaniyadaki Köstence limanından Azaq deñizine yol tutqan eki çetel yük gemisi çarpıştı. Bu aqta FleetMoon portalı haber etmekte.
“Keriç boğazında Lady Maria yük gemisi areket yapqanda Azov Concord yük gemisinen çarpıştı. Gemilerniñ ekisi de Romaniyadaki Köstence limanından Ukraina ve Rusiyeniñ Azaq deñiz limanlarına yol tuta edi, ekisi de boğazdan keçmege ruhset bekley edi”, - dep noyab 30-ında berilgen haberde belgilene.
Portal, adise neticesinde Lady Maria yük gemisinde köçüriciniñ vintı bozuldı , Azov Concord ise zıncırnen lengerni coydı dep yaza.
FleetMoonnıñ malümatına köre, Azov Concord Rusiye şeeri Anapa yanında tura, Lady Maria ise - Keriç yarımadasınıñ yanında.
Noyabr 30-ında aqşam Keriç köprüniñ eki tarafında onlarce gemiler toplandı. Olarnıñ arasında - ukrain, rusiye ve başqa memleketlerniñ gemileri. Keriç boğazında gemi qatnavı bir kün evel quvetli yel neticesinden furtuna ihtarı sebebinden toqtatıldı.
Noyabr 30-ında aqşam “İnterfaks” rusiye haber agentligi, “Keriç boğazı ve Azaq deñizi içün furtuna ihraı ilân etildi” dep Rusiye deñiz-özen flotunıñ matbuat hızmetiniñ bildirüvinden yazdı.
