Keriç politehnika koleciniñ tam tamirlevi ve yañılaştıruvı kelecek yıl bitirilecek. Bunı Aqmescitte matbuat konferentsiyasında rusiyeli Tasil Nazirliginiñ başı Natalya Gonçarova bildirdi.
"Tamirlev işleri üç basamaqtan ibaret: ilk işler 2018 - aprel 2019 seneleri yapıldı, bu acele tamiri edi. Bundan soñ 113 biñ ruble ayırılğan edi. Bu aqçağa biz, dam tamirini, tış divarlarınıñ tamiri ve suvuq keçmegen kibi etmesi. 2020 senesi büdcet talabında, kolecniñ yañartmasına 75 million ruble soradıq: donatmalar yañartılacaq ve azbarı abadanlaştırılacaq", – yaza Ginçarovanıñ sözlerinden "Krıminform".
Patlav ve atışuv çarşenbe künü, oktâbrniñ 17-nde, Keriç politehnik köllecinde oldı. Rusiye Tahqiqat komitetiniñ malümatına köre, Keriç politehnik kollecinde olğan patlavnı 4-ünci kurs studenti, 18 yaşında Vladislav Roslâkov kerçekleştirdi. O, «özüni öldürdi». Facia neticesinde 21 insan elâk oldı. Qırımda üç künlik matem ilân etilgen edi.
Oktâbrniñ 19-nda Keriçte ve Yedi Quyu rayonında ücüm qurbanlarınıñ cenazeleri qılındı. Vedalaşuv merasimine biñlernen insan keldi.
Qırım Muhtar Cumhuriyetiniñ prokuraturası Keriç politehnik köllecinde olğan patlavnı terror ücümi olaraq tasnif ete.
