Link açıqlığı

Saatnıñ esas haberi

Terroristik ücüminde zararlanğan kollec studentlerini “Artek”ke ve Kezlevge yolladılar


Rusiye polisi ücümden soñ kollec binası yanında, 2018 senesi, oktâbr 18

Oktâbr 17-sinde atış ve patlavlar olıp keçken Keriç politehnik kolleciniñ 250-den ziyade oquyıcısı, üç aftağa halqara “Artek” lagerine ve Kezlev istiraat bazasına yollanıldı. Bu aqta Keriçniñ rusiyeli başı Sergey Borozdin haber etti.

“Balalarımıznı üç afta devamında meraqlı raatlıq bekley. Ümüt etem ki, bu vaqıtta olar, aqıl alâ daa qabul etip olamağan, deşetten fikrince biraz uzaqlaşıp olur”, - yazdı Borozdin öz Facebook saifesinde.

Oktâbrniñ 17-nde, çarşenbe künü, Keriç politehnik kollecinde patlav ve atışuv oldı. Rusiye Tahqiqat komitetiniñ malümatına köre, Keriç politehnik kollecinde olğan patlavnı 4-ünci kurs studenti, 18 yaşında Vladislav Roslâkov kerçekleştirdi. O, «özüni öldürdi». Facia neticesinde 21 insan elâk oldı. Qırımda üç künlik matem ilân etilgen edi.

Oktâbrniñ 19-nda Keriçte ve Yedi Quyu rayonında ücüm qurbanlarınıñ cenazeleri qılındı. Vedalaşuv merasimine biñlernen insan keldi.

Qırım Muhtar Cumhuriyetiniñ prokuraturası Keriç politehnik köllecinde olğan patlavnı terror ücümi olaraq tasnif ete.

XS
SM
MD
LG