Keriçte mayıs 14 gecesinden mayıs 16 gecesinece tamir işleri sebebinden suv teminatı yapılmaycaq. Bu aqta “Voda Krıma” (“Qırım suvu”) saytı bildire.
“Eali ve işhaneler bu künlerge yeterli suv yedeklerini azırlamalı”, - denile beyanatta.
Müessise saytında ealige suv ketirüvi cedveli derc etilgen.
Ukraina Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminley edi. 2014 senesi Rusiye Qırımnı işğal etken soñ, yarımadağa suv berilmesi toqtatıldı.
