Kefede (Feodosiya) yerli şeer şurasınıñ 108-inci toplaşuvından soñ şeerniñ general planını qabul ettiler. Bunıñ aqqında Kefeniñ rusiye memuriyeti saytında haber etilmekte.
Şeer meri Sergey Fomiç, general plan leyhası cemaat diñlevlerinde myzakere etilip, şeer qurulış şurasında qabul etildi.
Bundan ğayrı, oktâbr soñunda general plan, Qırımnıñ rusiye akimiyeti başı Sergey Aksönov başlığında şeer qurulış şurasınıñ toplaşuvında muzakere etilgen dep qoştı o.
“Qırımda şeer ve qasabalarnıñ general planları ilk sefer azırlanılğanı içün, olarnıñ müddetini 2030-cı yılğa qadar, yani şimdiki cumhuriyet inkişafınıñ strategiyası ükümsürgence, sıñırlamaq qararı alındı”, - dedi Sergey Fomiç
Sentâbrde haber etile edi ki, Kefeniñ baş mimarı Sergey Polâkov istifa etti. O, şeerniñ rus akimiyetiniñ matbuat hızmeti haber etkenine köre, şeerniñ general planı boyunca esas işni bitirgen soñ işten çıqtı.
