Qırım ve Herson vilâyeti memuriy sıñırda "Kalançak" kiris-çıqış noqtası, sentâbr 23-ünde saat 8 saba naqliyat keçirmesini toqtatacaq. Bunı Ukraina Devlet Sıñır Hızmetiniñ matbuat hızmeti bildirmekte.
"Kalançak" kiriş-çıqış noqtasında sentâbr 23-ünde saat 8:00-den başlap, tek piyadelerni keçirecekler, maşnalarnı ise "Çaplınka" kiriş-çıqış noqtasına yollaycaqlar, anda qayd etüv er zamanki kibi yapılacaq. "Çonğar"da şahıslar ve naqliyatnıñ keçirilmesi nizamınca yapılacaq, amma tamir işleri sebebinden anda qolaysızlıqlar ola bile. Bu kiriş-çıqış noqtalarında şahış ve naqliyat keçirilmesinde deñişmeler olsa, qoşma haber etilecek", - denile Devlet Sıñır Hızmetiniñ beyanatında.
Qırım ve Herson vilâyeti memuriy sıñırda yañı kiriş-çıqış noqtalarnı qurıp başladılar. Herson vilâyetiniñ başı Yuriy Gusevge köre, qurulıcılıq işleri noyabrgece sürecek.
