Balıqlava yalısında yük maşnası deñizge tüşti. Qaza avgustnıñ 21-isinde aqşam oldı, dep bildire Aqyarnıñ rusiyeli ükümeti.
Şeer başı muavini Mariya Litovkoğa köre, maşna 3-B iskelesi yanında tura edi, anda qazma işleri yapılacaq edi.
"Qazma işlerine azırlanğanda, aydavcı, sürat qutusınıñ tezliklerini adaştı ve maşna suvğa ketti. Qaza yerinden deñiz suvlarını qayıqlardan boşattılar, yalı qoralandı", - aytıp berdi Mariya Litovko.
Oña köre, kimse yaralanmadı ve körfezde turğan gemiler zararlanmadı.
