Noyabrniñ 25-nde Ukrayına raketacıları ve topçıları Rusiye ordusınıñ idare noqtasına ve askerleri, silâsı ve arbiy tehnikası bulunğan beş rayonğa darbe endirdi, dep haber ete Ukrayına Silâlı quvetleriniñ Baş ştabı.
«Mudafaa quvetleriniñ aviatsiyası duşmannıñ arbiyleri, silâsı ve arbiy tehnikası olğan rayonlarğa 9 darbe ve 3 darbe duşmannıñ zenit-raketa kompleksleri mevzilerine endirdi», – dep aytıla haberde.
Bu malümatqa köre, Rusiye arbiyleri «Zaporijjâ vilâyetiniñ Kamışevusına dört raketa darbesini kerçekleştirdi, toplu ateş reaktiv sistemalarından ordumıznıñ mevzilerine ve mesken yerlerine ateş açtı».
Faal uruşlar Harkiv, Luğansk, Donetsk ve Zaporijjâ vilâyetlerinde devam ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
