Rusiye FSB-siniñ Qırım idaresiniñ matbuat hızmeti, Aqyarda Yañı Şüli (Şturmovoye) köyünde yerli sakinniñ evinde tintüvniñ ve tutulmasınıñ videosını derc etti. Rüstem Abilev “ekstremist areketlerine çağıruv”da şeklene. Videonı “Krıminform” matbuatı derc etti.
Videoda quvetçiler, ev kompyuteriniñ sistema blokı, bir qaç cep telefonı, fleş-kartalar, vesiqa, kitap ve elyazmalarnı tutıp alğanı körüne.
Tintüvden soñ aqaynı “Gazel” maşnasına oturtıp, tahqiqat tedbirlerini devam etmek içün alıp kettiler. Rüstem tirenmedi.
Aqyarnıñ Balıqlava rayonınıñ Yañı Şüli (Şturmovoye) köyünde Aqyar soq., 48 adresi boyunca aprelniñ 15-nde cami imamı Rustem Abilevniñ evinde tintüv keçirilgen edi. Tahqiqat tedbirleri başta Abilevniñ imamlıq yapqan camide keçirildi, soñra quvetçiler Rustem Abilevniñ evine keldi. Rusiye quvetçileri, aprelniñ 15-inde Yañı Şüli köyünde keçirgen tintüvden soñ, imam Rüstem Abilevni Rusiye FSB-siniñ bölügine ketirdi.
