“Vesti Krıma” Rusiye telekanalı “ekstremistlerde eñ büyük tintüvler”den video yayınlay
“Vesti Krıma” mühbiri, 10-ğa yaqın quvetçilerni körgeni aqqında ayttı, lâkin olar episi “tefsir bermekni red etti”. Onıñ sözlerine köre, Canköyde eñ azından 30 adres boyunca tintüv keçirile.
Haberciler, Rusiye ve ilhaq etilgen Qırımda yasaqlanğan “İyegova şaatları” teşkilâtı “Harkivde yerleşken “İyegova şaatları” merkeziden idare etilgeni”ni iddia ete. Bundan ğayrı, “İyegova şaatları”nıñ yerli bölge gruppasınıñ başlığında “ekstremistik kitaplar, ruhiyat ve teşviqat kitapları tapıldı”.
“Bundan ğayrı ekstremizm maddesine köre cinayet işi açıldı”, - dep haber ete “Vesti Krıma”.
Canköyde Rusiye FSB hadimleri, “İyegova şaatları” diniy teşkilâtında iştirak etkeninde şeklengen onlarca adres boyunca tintüv ve tutuvlar keçirdi. Azatlıq Radiosınıñ rus hızmeti mühbiriniñ malümatına köre, “Sivaş” adlı yerli bölge gruppasınıñ başlığı Sergey Filatovnı tuttılar. Gruppa 2015 senesi resmen qayd olundı ve 2017 senesi, Rusiyede “İyegova şaatları” yasaqlanğanından soñ öz faaliyetini toqtattı.
Rusiye quvetçileri Canköydeki tintüvler aqqında tefsir bermey.
