Bağçasaray "Hizb ut-Tahrir davası"nıñ iştirakçileri "siyasiy sebepli mahkeme oturışlarına" narazılıq bildirdi
"Qırım birdemligi" bildirgeni kibi, iyün 8-inde ekinci Bağçasaray "Hizb ut-Tahrir davası"nıñ iştirakçileri Rostov-na-Donu şeeriniñ 1-inci SİZOsından video konferentsiya vastası ile iştirak etken mahkeme oturışı keçti.
Mahkeme oturışı devamında siyasiy mabüsler mahkeme esnasında istirak etmekte vazgeçti ve narazılıq bildirdi.
"Biz, iç olmadım nasıldır adaletke ümütni öldürgen ve onı diskriminatsiya etken mahkeme oturışlarına qarşı narazılıq bildiremiz", - dedi iştirakçileriniñ birisi - Server Mustafayev.
Bundan soñ iştirakçilerniñ episi tibbiy maska kiyip, mahkeme oturışını boykot etti.
Daa evel «Qırım birdemliginiñ» koordinatorı, Bağçasaraydaki «Hizb ut-Tahrir davasınıñ» mabüsi Server Mustafayev Rusiye elçihaneleri ögünde aktsiyalar keçirip, apiske alınğan ve mahküm etilgen qırımtatar faalleriniñ adları ve fotoresimlerinen kelmege çağırdı.
2017 senesi oktâbr ayında Rusiye telükesizlik hısmetiniñ hadimleri Bağçasaraynıñ altı sakini Timur İbragimov, Marlen Asanov, Memet Belâlov, Seyran Saliyev, Server Zekiryayev ve Ernes Ametovnı tutup alan edi. FSB olarnı Rusiyede ve onıñ tarafından ilhaq etilgen Qırımda yasaqlanğan «Hizb ut-Tahrir» teşkilâtınıñ azaları olğanında qabaatlay.
«Qırım birdemligi» cemaat teşebbüsiniñ koordinatorı Server Mustafayev ve qırımtatarı, musulman Edem Smailov 2018 senesi mayısnıñ 21-nde Qırımda Rusiye uquq qoruyıcıları tarafından tutulğan edi. Olarnıñ davası Bağçasaraydaki «Hizb ut-Tahrir davasına» ilâve etildi.
2019 senesi noyabrniñ 15-nde Rusiyeniñ Rostov-na-Donu Cenübiy okrugınıñ arbiy mahkemesi Bağçasaraydaki ekinci «Hizb ut-Tahrir davasınıñ» temelini baqıp başladı.
«Hizb ut-Tahrir işi» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokatlar qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri. Halqara uquq işğal etilgen topraqlarda işğalci devlet qanunlarını kirsetmege yasaqlay.
«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.
Bağçasaraydaki ekinci «Hizb ut-Tahrir davasınıñ» mabüsleri sıñırlav tedbiriniñ uzatıluvına qarşı berilgen istinaf arizası baqılğanda penceresi ve avalandıruvı olmağan 3 metr kârelik odada qaldı.
