Rusiye nezaretindeki Qırım Sağlıq Nazirligi, spinal adale atrofiyasınen hasta eki balağa siyrek olğan ilâcnı alıp bermege vade etti. Bunı rusiye müessisesiniñ matbuat hızmeti bildirdi.
Müessisede, "Nusinersen" ilâcı aqqında aytqanlarını qoştılar.
"Hastalarnıñ ilâcnen temin etilmesi Qırım başınıñ, Nazirler Şurasınıñ ve Sağlıq Nazirliginiñ daimiy nezaretinde tura. Siyrek diagnozı olğan balalarğa intensiv terapiyanı kecirmek içün kerek olğan ilâclarnıñ teminatı, Qırım budjetinden subventsiyalarğa bağlıdır", - müessise başı İgor Çemodanovnıñ sözlerinden yaza matbuat hızmeti.
Hasta balalarnıñ adları ve bu teşebbüsnen bağlı tuvğanlarınıñ tefsirleri şimdilik yoq.
Dekabrde Rusiye kontrolindeki Qırım yolbaşçısı Sergey Aksenov yarımadanıñ üç esas problemini aydınlattı. Olarnıñ arasında qırımlılarnıñ yaramay keliri, ve paalı azıq mallarından ğayrı, tibbiyet seviyesi belgilengen edi.
