Link açıqlığı

Saatnıñ esas haberi

Poloniya prezidenti: «Qırımnen beraber Ukrayınanıñ bütün topraqlarını azat etmek kerek»


Ancey Duda Rusiye ordusı viran etken Borodânkada, 2022 senesi aprelniñ 13-ü
Ancey Duda Rusiye ordusı viran etken Borodânkada, 2022 senesi aprelniñ 13-ü

«Qırım platformasında» iştirak etmek içün Kyivge kelgen Poloniya prezidenti Ancey Duda Rusiye işğal etken Qırımnen beraber Ukrayınanıñ bütün topraqları işğalden azat etilmeli, dep bildirdi.

«Qırım Ukrayınanıñ bir parçası olğanı kibi Gdansk ve Lüblin de Poloniyanıñ bir parçası ola», – dedi Duda.

Onıñ qayd etkenine köre, Rusiye Federatsiyası Ukrayınağa büyük istilâ başlatqan soñ Rusiye ile «adiy bizneske»qaytalmaz.

Duda, yarımada Rusiye ordusından azat etilgen soñ Ukrayına prezidenti oña Qırımnı kösterecegine inana, dep qayd etti.

Ukrayına prezidenti Volodımır Zelenskıy «Qırım platforması» sammitini açıp, qırımlılarğa Ukrayına akimiyeti Qırımğa «kesen-kes qaytacaq», dep ayttı.

Avgustnıñ 23-nde bu yıl Rusiyeniñ Ukrayınağa qarşı büyük istilâsından soñ online keçirilgen «Qırım platformasınıñ» ekinci sammiti başlandı.

Qırımnıñ Rusiye yolbaşçısı Sergey Aksenov Telegram kanalında Ukrayına akimiyetini «Qırım platformasını» teşkil etkeni içün tenqit etti.

«Qırım platforması» – Ukrayınanıñ teşebbüsinen qurulğan halqara mesleat-koordinatsion formattır. Onıñ maqsadı Qırım işğaline qarşı halqara cevap semereligini arttırmaq, telükesizlik havflarınıñ artmasına cevap bermek, Rusiye Federatsiyasına qarşı halqara basqını quvetleştirmek, insan aqlarınıñ bozuluvına yol bermemek ve Rusiye rejiminiñ qurbanlarını qorumaq, em de esas maqsadı Qırımnı işğalden azat etip, Ukrayınağa keri almaqtır.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG