Aqyarda eki yengil maşna çatışuvnında beş adam yaralandı. Qazaб Kamışovoye şossesinde oldı, dep bildirdiler Rusiye İçki İşler Nazirliginiñ Aqyar (Sevastopol) bölüginde.
"Hyundai maşnasınıñ aydavcısı, beton maniyanı aylanıp keçkende, VAZ maşnasınen uruldı. Qaza neticesinde bir maşnada eki adam ve ekincisinde üç adam yaralandı", - dep bildirdiler müessisede.
Qurtarıcılar, bir maşnada qısılıp qalğan adamlarnı mahsus aletlernen çıqarmağa mecbur edi, dep haber etti içtimaiy ağlarda o yerde bulunğan adamlar. Qazağa oğrağanlarnı tahliye (evakuatsiya) etmek içün, bir qaç acele yardım maşnası kerek oldı.
Şimdilik politsiya hadimleri, yol qazasınıñ tafsilâtını bilmege tırışa. Yaralanğanlarnı şeer hastahanelerine yatqızdılar, dep bildirile politsiya beyanatında.
Daa evel, Aqyarda mikroavtobus ve yengil maşna çatışqanı bildirile edi. Qaza neticesinde eki bala yaralandı.
