Link açıqlığı

Saatnıñ esas haberi

Aqyarda ADQ künü: rusiye arbiyleri «terroristlernen muarebe»ni sanalaştırdı (+foto)


Ava desant quvetleri (ADQ) kününiñ qayd etüvi, 2018 s. avgust 2.
Ava desant quvetleri (ADQ) kününiñ qayd etüvi, 2018 s. avgust 2.

Avgustnıñ 2-sinde Aqyarda Rusiye Ava desant quvetleri (ADQ) kününi qayd ettiler. Terroristlerge qarşı muarebe (uruş) sanalaştırıldı. Qırım.Aqiqat muhbiri haber etkeni kibi, Matros ve Asker abidesiniñ yanındaki meydanda kösterilgen temaşada, rusiye arbiy adamları terroristlerni “öldürdi” ve vesiqalarınen maşnasını zapt etti.

“Terroristlernen muarebe”niñ sanalaştırmasıdan soñ, arbiyler bir sırağa tizildi ve seyirciler tarafına avtomatlardan zalp berdi.

Körgezmeli temaşada ise rusiye askerleri mañlaylarına boş pivo şişeleri, yanğan bloklar, şifer tabaqalarını nasıl qırmağa bilgenlerini kösterdi.

Meydanda tehnika ve silâ sergisini yaptılar – KAMAZ, köçüci radio stantsiyası, “Kostör” granatomöti, Kalaşnikov avtomatı, “Vintorez” ve SVDS snayper tüfekleri, pistolet, yerge töşelgen paraşüt kösterildi.

Rusiye prezidentiniñ 2006 senesi mayıs 31 künü fermanına binaen, Rusiyede Ava desant quvetleri künü avgustnıñ 2-sinde qayd etile. Yarımadanıñ işğalinden soñ, Qırımda da bu künni qayd etip başladılar.

XS
SM
MD
LG