Link açıqlığı

Saatnıñ esas haberi

“Putinniñ sabıq kiyevi” Forbes mecmuasınıñ cedveline köre endi milliarder degil


Kiril Şamalov
Kiril Şamalov

“Siburg” saiplerinden birisi Kiril Şamalov, Forbes mecmuasınıñ cedveline köre, endi milliarder degil, dep bildire Azatlıq Radiosınıñ rus hızmeti. Evel matbuat oña Vladimir Putinniñ qızınıñ aqayı dey edi.

İş adamı dünyanıñ eñ zengin adamlarınıñ cedvelinden, matbuat Rusiye prezidenti qorantasınen bağı üzülgenini haber etkeninden soñ, çıqtı. Forbes cedvelinde variyeti 1 milliar dollardan çoq olğan, episi olıp 98 Rusiye iş adamı bar. Keçken yılı 106 edi.

Forbes, Şamalovnıñ mal-mülkü 950 million dollar olğanını bildire.

Nikolay Şamalovnı rusiyeli prezidentniñ dostu dep adlandıralar. O, Putin kibi, «Ozero» kooperativiniñ sabıq azası, bunen beraber, «Rossiya» bankınıñ daa bir saibi ola.

Nikolay Şamalovnıñ oğlu Kirill, qaysı birine tahminlerge köre Putinniñ qızı Katerina Tihonovanıñ aqayı dep adlandıralar, «Sibur» yermay-tehnikiy holdinginiñ müdirler şurasınıñ azası ola.

Forbes reytinginde birinci yerni Mihail Gutseriyev ve onıñ soy-sopları, ekinci yerni Putinniñ yaqın tögereginden daa bir iş adamı Arkadiy Rotenberg, üçünci yerde ise Aleksey ve Dmitriy Ananyevler oldı.

Forbes mecmuasınıñ qayd etkenine binaen, keçken senege köre, Rusiyeniñ eñ zengin sülâlelerniñ umumiy variyeti aman-aman 40 fayızğa, yani 25 milliard dollarğa qadar arttı.

XS
SM
MD
LG