Kefede (Feodosiya) iyün 15-inde "Barabulka" balıq yemekleri festivali açıldı, o eki kün olacaq. Şeerniñ rusiyeli memuriyetiniñ matbuat hızmeti bildirgeni kibi, bu endi altıncı böyle festival.
Festivalnı yerli şeer şurasınıñ başı Anjela Serdükova ve şeer memuriyetiniñ başı Sergey Bovtunko açtı.
Privokzalnaya meydanında onlarnen food court yerleşti, anda çeşit-türlü balıq ve deñiz aşayt mallarını tapmaq mümkün.
Bu yıl, teşkilcilerniñ aytqanına köre, kefeliler ve şeer musafirleri içün dört türlü balıqtan 100 litrden ziyade balıq şorbasını pişirip, bedava tarqattılar.
Merasim programmasına köre, iyün 16-sında bayram kontsertinden ğayrı, alev şousı da olacaq.
