Rusiye Federatsiyası ordusınıñ Hersondan çekilmesi Ukrayına içün büyük ğalebe ola, dep aytıla ABD prezidenti Joe Bidenniñ Milliy telükesizlik mesleatçısı Ceyk Sallivannıñ beyanatında, bunı Bloomberg neşiri bildire.
«Rusiyeliler kerçekten çekilgenine oşay. Ukrayınalılar büyük ğalebe qazandı, Rusiye bu cenkte zapt etken yekâne vilâyet merkezi Ukrayına bayrağı altına qayttı», – dep qayd etti Sallivan jurnalistlernen subetleşip.
O, Ukrayına prezidentini Rusin ile barışıq muzakerelerine azır olğanını köstermek teklifinde bulunğanını inkâr etti.
«Ukrayına – zıddiyetniñ barışıq tarafı, Rusiye – cenk tarafı. Rusiye Federatsiyası ordusını çekip, cenkni bitirip olur edi, Ukrayına quvetleri ise uruşlarnı toqtatsa, Ukrayınanıñ soñu kelir», – dep ayttı Sallivan.
Noyabrniñ 11-nde Ukrayına istihbaratı Herson Ukrayına kontroline qayta, şeerge Ukrayına silâlı quvetleri kire. Ukrayına prezidenti Volodımır Zelenskiy sağ tarafta qalğan Rusiye arbiylerini Ukrayınağa esirlikke teslim olmağa çağırdı.
Frenkistan prezidenti Emmanuel Makron Ukrayına vatandaşlarını Ukrayına silâlı quvetlerini Herson yönelişindeki muvafaqiyetini tebrikledi.
Hersonda uruşlar aqqında aytılmay.
Rusiye Mudafaa nazirligi Rusiye arbiyleri Dnipronıñ sağ tarafından noyabrniñ 11-nde saba çıqarıldı, dep bildirdi. Rusiye gruppirovkasını idare etken komandan Sergey Surovikin bir qaç kün evelsi sağ tarafqa çekilecekler, dep ilân etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
