Gece Rusiye Qara deñizden farqlı yönelişlerde Ukrayinağa qarşı dron ve qanatlı raketalar atqan. Bunı Ukrayina Silâlı Quvetleriniñ Ava quvetlerinde haber ettiler.
Odesa tarafına "Şahed", "Oniks" ve "Kalibrler" uçurtılğan. Bölgede Ava mudafaası sisteması çalıştı.
Odesa vilâyetiniñ arbiy memuriyetiniñ reisi Oleg Kiper Odesadaki vaziyet aqqında malümat endi berdi.
"Ne yazıq ki, amma urulğan yerler bar. Liman yanındaki infraterkipke darbe endirildi. Adam yaşamağan çoq qatlı binada yanğın çıqtı. Patlav dalğası neticesinde bir adam zarar kördi", - dep bildirdi Kiper.
Rusiye ordusı muntazam tarzda Ukrayinağa raketa, dron ücümlerini kerçekleştire. Delillerge baqmadan Moskva sırf arbiy infraterkipke darbe endirgenini bildire.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
