Aqyar yaldayıcısı Andrey Govorov, 50 metr mesafede batterflây üslübinde yaldav Dünya Kubıgında altın medal qazandı. Bunıñ aqqında Ukrainanıñ Milliy olimpik komiteti öz Twitter saifesinde haber etti.
Yaldayıcı mesafeni 22,87 saniyede aştı.
“Maşalla! Andrey Govorov - 50 metr mesafede batterflây üslübinde yaldav Dünya Kubıgında ğalip çıqtı (22,87)! Hayırlaymız! İleride de ğalebeler qazanmağa tilleymiz!”, - dep aytıla beyanatta.
Govorov bu malümatnı öz saifesinde tasdıqladı.
İyülniñ 1-inde Roma (Rim) şeerinde Govorov, Sette Colli Trophy yarışında 50 metr mesafede batterflây üslübinde yaldavda dünya rekordını etti. Yarışnıñ finalında Govorov mesafeni 22,27 saniyede aştı. Bu, 2009 senesi ondan evelki ispan yaldayıcısı Rafael Münos etken dünya rekordından yüzde 16 saniyege tezce.
2016 senesi Moskova, Andrey Govorov Qazanda keçken Dünya universiadasında yeñgen soñ, oña Rusiye taqımı terkibinde yarışlarda iştirak etmege teklif etti. Ukraina Futbol federatsiyasınıñ prezidenti Andrey Pavelko jurnalistlerge haber etkenine köre, ruslar yaldayıcığa 1 million dollar teklif ete edi. Amma o red etti.
