Aqyar merkezinde, rusiyeniñ “Halq birligi künü” sebebinden vaqtınca yol areketini sıñırlacaqlar. Bunıñ aqqında şeer memuriyetiniñ matbuat hızmeti haber ete.
Noyabr 2 saat 23:00-ten başlap, noyabr 5 saat 6:00-ğa qadar Nahimov meydanında mahsus ve acele hızmetleriniñ maşnalarından ğayrı, qalğan naqliyatnıñ toqtav ve turağı yasaqlanacaq.
“Aynı böyle sıñırlavlar noyabr 3 saat 23:00-ten noyabr 5 saat 6:00-ğace Lenina soqagında ve Nahimov caddesinde ükümsürecek”, - dep aytıla beyanatta.
Noyabr 3-ünde, cumaertesi künü, saat 23:00-ten 8:15-kece ve bazar künü saat 13:00-ten saat 23:00-kece Lenina soqağında ve Nahimov caddesinde içtimaiy naqliyat ve şeer hızmetleriniñ maşnalarından ğayrı, qalğan bütün naqliyatnıñ yol areketi vaqtınca sıñırlanacaq.
Noyabr 4-ünde, “Halq birligi künü”niñ özünde, akimiyetniñ malümatına köre, bu şeer qısmında, saat 9:30-dan 13:00-kece olacaq yürüş sebebinden, bus-bütün naqliyatnıñ areketi toqlatılacaq.
“Noyabr 4-ünde şeer merkezinde qaldırılğan bütün maşnalar tahliye etilecek”, - dep ihtar ete şeer naqliyat bölügi.
Qomşu Rusiyede 2005 enesi noyabr 4-ünden ““Halq birligi künü” devlet bayramı qutlana. Bayramnıñ teşebbüsçisi- Rusiye Dinlerara şurası. Qırımda bu künni Rusiye tarafından yarımada ilhağında soñ qutlap başladılar.
