İşğal etilgen Aqyar, “RİA Novosti” haber agentligi tizgen rusiye şeerlerniñ aylıqları cedveliniñ soñdan ögündeki, yani 99-ıncı yerni aldı.
Bildirilgenine köre, reyting tizilmesinde Qırım ve qomşu Rusiyeniñ şeerlerindeki ortaq aylıqnıñ ortaq istimalcı sepetine köre nisbeti qıyaslanğan edi.
Habercilerniñ malümatına köre, 2018 senesiniñ birinci yarımında Aqyarda ortaq aylıq 25,7 biñ rubleni (10,7 biñ grivna) teşkil ete. Aynı vaqıtta, rusiye ekspertleri, şeerdeki yüksek fiyatlarnıñ sebebini “turistler ve arbiyler tarafında olğan talap”ta köreler, “arbiylerniñ qazançları ise aylıq statistikasında sayılmay”.
Sentâbrniñ soñunda, 160 biñ qırımlınıñ resmiy işi olmağanı haber etilgen edi.
Krımstat 2018 senesiniñ beş ayı boyunca Qırımdaki aylıq oranlarınen bağlı malümat derc etti. Orta esapnen o, 29 257 rubleni teşkil ete ve keçken sene aprel ayına nazaran 2,6%ge, mayısqa köre – 11,7%ge yükselgen. Statistika Aqyarda oranlar yarım biñge azca yani – 28 713 ruble olğanını iddia ete.
Rosstatnıñ malümatına köre, 2018 senesi iyül ayında qomşu Rusiyede aylıq borcları arttı. Cemi 586 million rubleden aştqan.
