Aqyarnıñ agrar müessiseleri, 48,5% bereket bergen yüzümliklerniñ meydanlarından
10,3 biñ tonna tehnikiy ve sofralıq yüzümlerni cıydı.
Bunıñ aqqında Aqyarnıñ (Sevastopol) rusiye akimiyetiniñ matbuat hızmeti haber etmekte.
“Yüzüminiñ sofralıq çeşitiniñ cıyuvı 879 tonnağa qadar olıp çıqtı. Bereketlilik - gektardan 35,3 tsentner. Tehnikiy çeşitniñ bereketliligi ise, orta esapnen, gektardan 51,2 tsentner ve 9,4 biñ tonnanı teşkil etti”, - dep aytıla beyanatta.
Matbuat hızmeti, yüzüm cıyuvı 2018 senesiniñ oktâbr ayınce devam etecegini qayd ete.
Müessiseniñ malümatına köre, 2017 senesinde yüzümcilik saası şirketleri 18,3 biñ tonna yüzüm cıydı, ortalama bereketligi gektardan 41,8 tsentnerni teşkil etti.
Avgust ayında Qırımnıñ “Massandra” şarapçılıq şirketi haber etkeni kibi, olar 2018 senesi mevsiminde 15 biñ tonna yüzüm cıymağa niyetlene, bu, keçken yılğa köre, 2 tonnağa azca.
İyülniñ başında Qırımda olıp keçken burçaq, Seyitler rayonında 395 gektar meydanlıq yüzüm bereketine zarar ketirdi. Zarar miqdarı tahminen 54,5 million rubleni (22,5 mln grivna - QA) teşkil ete.
