Link açıqlığı

Saatnıñ esas haberi

«Usikni yahşı alalar, Putinni - o qadar degil». Aqmescitte ukrain boksçusınıñ resminen meşrebe satalar (+süret)


Aqmescitte Usikniñ süretinen meşrebeler satıla
Aqmescitte Usikniñ süretinen meşrebeler satıla

Aqmescitte, Qırımdan doğma ukrain boksçusı Aleksandr Usikniñ süretinen meşrebeler satlıqta peyda oldı dep haber ete Qırım.Aqiqat mühbiri.

Usikniñ resminen keramik meşrebelerni yerastı keçitleriniñ birisinde satalar. Olarnıñ fiyatı, belli rusiye siyasetçiler, sanatkârlarnıñ resminen qalğan meşrebelerniñki kibi - 300 ruble (135 grivna).

“Boksçunen meşrebelerni biz yaqında satıp başladıq, olarnı yahşı alalar. Aqayım keçken afta yapqanınıñ episi satıldı. Ebet, tilekler ile ve adı yazılğan meşrebeler yahşıca satıla. Amma mına siyasetçilernen, misal içün, Rusiye prezidenti Vladimir Putinnen - o qadar degil. Er alda, eveldeki kibi sorav yoq”, - dep ikâye etti bu mahsulatnı satqan iş adamı Valentina.

İyülniñ 22-sinde gecesi bitken Murat Gassiyev ile uruşnıñ neticesinde, Usik WBO ve WBC dünya çempionı kuşaqlarını saqladı, ve olarğa WBA Super ve İBF (evel Gassiyevde olğan) qulaşqları ve, eñ küçlü boksçılarnıñ uruşında yeñgenlerge berilgen, The Ring jurnalınıñ quşağını qoştı. Bundan da ğayrı, Mohammad Aliniñ Kubogını qazandı.

XS
SM
MD
LG