Aqmescit rayonınıñ bir qaç qasabasında ambroziya güllegeninden sebep karantin başlandı. Bunı Aqmescitniñ rusiyeli akimiyetiniñ matbuat hızmeti haber etmekte.
“Karantinniñ fito-sanitar mıntaqası belgilendi: Aqmescit rayonınıñ Agrarnoye qasabası ve Molodöjnoye köy şurası”, - dep aytıla beyanatta.
İyülniñ soñunda Aqmescit rayonınıñ Qoyaş (Vodnoye) ve Demyanovka köylerinde de ambroziya sebebinden karantin başlanılğan edi.
Ambroziya - kiyik ösümlik, onıñ çeçek tozu allergik reaktsiyasınıñ sebebi olmaq mümkün. Yuşan yapraqlı ambroziya - Qırım, Ukrainanıñ bir qaç bölgesi ve qomşu Rusiyeniñ Krasnodar ülkesinde tarqalğan kiyik otlarınıñ eñ havflı soylarından birisi.
