Kreml nezareti altındaki Qırım Yuqarı mahkemesi, adliyeci Rustem Kâmilevniñ Bağçasaraydaki “Salaçıq” restoranınınñ qapatıluv qararınına bergen istinafını red etti, dep haber ete Qırım.Aqiqat mühbiri.
Kâmilevniñ aytqanına köre, istinaf mahkemesi, “izar etilgen qaide bozmalarınıñ yoq etilmesine qadar” Bağçasaray şeer mahkemesiniñ qararını deñişmesiz qaldırdı. Amma, uquqçığa köre, “Salaçıq” saipleri bozmalarnı tüzetti ve bunıñ aqqında mesülietli müessiselerni haberdar etti.
“Men, dava materiallarınaİstimalcı aqlarını qoruv cemiyetiniñ ve FVN idaresiniñ cevaplarını qoşmaqşefaatını bergen edim, amma onı maña qaytardılar. Bizge yazdılar ki, teşkerüv teşebbüsçisi prokuratura olğanı içün, onsız bozmalarnıñ tüzetilmesini qayd etip olamaylar. Mahkemede ise, prokuratura vekili eski qararnı qununiy qvette qaldırmağa muracaat etti”, - dep aytıp berdi Kâmilev.
Uquqçı kassatsion şikâyetini berecegi aqqında haber etti ve, öyle ihtiyac peyda olsa ki, Avropa insan aqları mahkemesine de muracaat etecek.
Kremlniñ kontroli altında olğan Bağçasaray rayon mahkemesi mayıs 24-teki oturışuvında «Salaçıq» kervan-sarayı faaliyetiniñ toqtatılmasına dair qarar aldı.
Daa evel qavehaneniñ memuriyeti, «Rusiye mahkemesiniñ qararı ile» «Salaçıq» öz işini vaqtınca toqtata, dep bildirdi.
2017 senesiniñ oktâbrinde Bağçasaraydaki «Hizb ut-Tahrir işi» boyunca tevqif etilgen Marlen Asanov muessiseniñ saibi ola.
2017 senesiniñ oktâbrinde Rusiye telükesizlik hadimleri Bağçasaraynıñ altı sakinini yaqaladı. Bular – Timur İbragimov, Marlen Asanov, Memet Belâlov, Seyran Saliyev, Server Zekiryayev ve Ernes Ametov. FSB olarnı Rusiye ve onıñ tarafından ilhaq etilgen Qırımda yasaqlanğan «Hizb ut-Tahrir» teşkilâtınıñ azaları olğanında qabaatlay.
