“Qırım birdemligi” cemiyet birleşmesi İslâm Terek (Kirovsiy) rayonınıñ Jemçüjina Krıma köyünde tintüv keçirilgeni aqqında haber etmekte.
Faalcilerniñ bildirgenine köre, tintüv, yerli sakin Dilâver Yagyayev yaşağan evde keçirilmekte. Şimdilik başqa malümat yoq.
Qırım.Aqiqat vaqianıñ tafsilâtını bilmege tırışa. Rusiye quvetçileri bu adiseni tefsir etmey.
«Hizb ut-Tahrir davası» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokatlar qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri. Halqara uquq işğal etilgen topraqlarda işğalci devlet qanunlarını kirsetmege yasaqlay.
