2019 senesiniñ birinci yarımyılında Rusiye, 44 898 ukrainge vatandaşlıqnı berdi. Bu aqta Ruisye İç İşler Nazirliginiñ statistikası bildire.
Aynı müddet devamında Rusiye İİN, bildirilgeni kibi, 30 772 ukrainge yaşama izinini berdi, daa 29 biñden çoq ukrain muvaqqat yaşama izinini aldı, dep bildire Azatlıq Radiosı.
Hatırlatamız ki, bundan evel Rusiye prezidenti Vladimir Putin, qolaylaştırılğan protsedura boyunca Rusiye vatandaşlığını ala bilecek ukrain grajdanlarnıñ cedvelini keñleştirdi. Putinniñ bu fermanı iyül 17-sinde Rusiye uquq malümatınıñ resmiy internet-portalında derc etilgen edi.
Aprel 24-ünde Putin, Ukrainanıñ, Rusiye desteklegen boyevikler tarafından işğal etilgen, şarqiy rayonlarında yaşağan adamlarğa qolaylaştırılğan protseduranen vatandaşlıqnı almağa imkân bergen fermannı imzaladı.
