Kiriş kampaniyasınıñ neticesinde 86 Qırım sakini Ukrayina aliy oquv yurtuna qabul etildi. 2015 senesinden berli bu eñ alçaq köstergiçtir, dep bildirdi "Almenda" Tasil merkeziniñ milliy advokatlıq yönelişiniñ başı Valentına Potapova.
Onıñ sözlerine köre, Qırımdan abituriyentlerniñ ögünde peyda olğan esas qıyınlıqlar arasında yarımada sakinleriniñ qabulı aqqında malümatnıñ ve yarımadadaki mekteplerde ukrayin tiliniñ olmamasıdır.
Potapova, Ukrayina universitetlerine kirgen Qırımdan studentlerni qorumaq içün olarnıñ oquv yurtuna kelmeleri kerek olğan üç aylıq qaideni lâğu etmek kerek olğanını qayd etti. Bu müddet eñ az faal arbiy areketlerniñ toqtatılmasına qadar ya da bir yılğa uzatılmalıdır.
2016 senesinde Ukrayinada vaqtınca işğal etilgen topraqlardan olğan balalar içün aliy tasil müessiselerine "sadeleştirilgen" qabul sisteması çalışa.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
