New York ştatınıñ valisi Andrew Cuomo cumaertesi keçirgen matbuat konferentsiyasında keçken cuma künü ştatta koronavirustan 540 insan vefat etti, dep bildirdi. Soñki eki afta içinde bu eñ az raqam oldı.
Onıñ bildirgenine köre, cuma künü COVID-19 sebebinden ağırlaşuv olğan 2 biñ insan hastahanege ketirildi. Böyle raqam soñki sefer martnıñ soñunda, hasta ve vefat sayısınıñ büyük artışından evel, qayd etilgen edi. «Amerikanıñ Sesi» bildirgenine köre, ştat eñ yüksek noqtanı keçti, dep hulâsa çıqarmaq mümkün.
Vali Cuomonıñ aytqanına köre, ekimler intensiv tedaviy bölüklerine ketirilgen ve aqcigerleri suniy avalandırılğan hastalarnıñ sayısı eksile, dep qayd ete.
ABDde cumaertesi künü 715 biñ koronavirus hastası qayd etildi. Bir künde 1690 insan vefat etti, ABDde qırğınlıq qurbanlarınıñ sayısı 38 844 oldı.
Canada baş naziri Justin Trudeaunıñ cumaertesi künü bildirgenine köre, ABD ve Canada umumiy sıñırlarını daa 30 kün devamında qapalı tutmağa qarar aldı, dep bildirdi Associated Press agentligi.
