Brooklyndeki New York metro stantsiyasında aprelniñ 12-nde atış oldı. Amerika kütleviy haber vastaları yanğın hızmetine esaslanıp, yaralanğan çoq kişi aqqında bildirdi.
Yanğıncılar Sanset-Park rayonındaki 36th Street stantsiyasında tütün çıqqanına dair haber alıp, patlamağan cihazlarnı taptı.
AP agentligi tahqiqattan haberdar olğan uquq qoruyıcı organlardaki menbağa esaslanıp bildirgenine köre, ilk malümatqa köre, şübheli şahıs qurucı urbasına kiyingen.
Başqa malümat şimdilik yoq.
New York polisi atış ya da patlav neticesinde yaralanğan insanlarğa cevap bere, dep bildirdi.
Bu stantsiyağa ketken trenler keç qala. Atış saba saatlarında oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2ud65mnh9spru.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
