Bu aqta Qırımtatar Milliy Meclisiniñ reis muavini Nariman Celâl Rusiye esirliginde bulunuv tecribesine esaslanıp, Varşavada OSCE insaniy ölçüsi halqara konferentsiyası vaqtında bildirdi, dep haber ete Qırım.Aqiqat mühbiri.
O, Rusiye koloniyalarında tibbiy yardım olmağanı içün eki qırımlı siyasiy mabüs – Cemil Gafarov ve Konstantin Şiring – vefat etkenlerini qayd etti.
«Men bunı öldürüv dep sayam. Çünki öz tecribemden Rusiye apishanelerinde vaqtında ve kerekli tibbiy yardım bile-bile kösterilmey, dep ayta bilem. Bu yekâne adise degil», – dep qayd etti Celâl.
Bundan ğayrı, Celâl diplomatlarnıñ ve halqara teşkilâtlar vekilleriniñ diqqatını Tofik Abdulgaziyevniñ davasına celp etti, o, onıñ aytqanına köre, ölümge yaqın, amma Rusiye Cezalarnı yerine ketirüv federal hızmeti bütün sebepler olğanına baqmadan, tibbiy teşkerüvler yapmay.
Eski siyasiy mabüs soqur ve hronik hastalıqları olğan qırımlı Aleksandr Sizikovnıñ apiske alınmasına da diqqat ayırdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
