Aprelniñ 13-ünde natsistlerden azat etilmesiniñ 75 yıllığına bağışlanğan tedbirlerniñ keçirüvinden sebep Aqmescit merkezi qapatılacaq.
Şeer memuriyeti bildirgeni kibi, yol areketi saat 8:00-dan saat 12:00-ğace toqtatılacaq.
“Pavlenko soqağı, Aleksandra Nevskogo soqağından Y.A.Gagarin adına parkınace qapatılacaq”, - debile beyanatta.
Ğalebe paradı mayısnıñ 9-da Qırımnıñ Aqyar, Keriç ve Aqmescit olmaq üzre üç şeerinde keçirilecek.
Rusiyede mayısnıñ 9 Qızıl ordunen sovet halqınıñ natsist Almaniyağa qarşı yapılğan cenkte Ğalebe qazanılğan kün olaraq qayd etile.
Ukrainada mayısnıñ 9 1939-1945 seneleri Ekinci dünya cenkinde natsizm üzerinden qazanılğan Ğalebe künü olaraq qayd etile. İşbu hatıra kününi 2015 senesi aprelniñ 9-da Ukraina Yuqarı Şurası kommunizmden qurtulma siyasetini uyğulamaq (dekommunizatsiya) maqsadınen saylâğan edi.
