NATO Ukraina ve Gürcistanğa Rusiyege tirenmege yardım etecek, bunı NATOda AQŞ elçisi Kay Bailey Hutchison matbuat konferentsiyasında haber etti, bildire Azatlıq Radiosı.
"Kelecekte NATOnıñ azaları olacaq memleketlerge sadıqmız. Biz olarnıñ episini isteymiz. Gürcistannı da, Ukrainanı da. İslâatlarınıñ ilerlemesini isteymiz, Rusiye dezinformatsiyasını ve bu ülkelerniñ - Gürcistan ve Ukrainanıñ - topraqlarınıñ almasını yeñmelerini isteymiz. Rusiye bu memleketlerge suveren idarege, suveren terrotoriyağa ve sıñırlarğa saip olmaq aqqına keder etmemeli. Ve biz Rusiye tecavuzına tirenmek içün Gürcistan ve Ukrainanı destekleycekmiz", - dedi Hutchison.
O, NATO ğayretlerinden qaytmaycağını qayd etti.
"Qapımız açıq. Men bellesem, Şimaliy Makedoniyanıñ qabul etilmesi bunı köstere. Ve biz ortaqlarımızğa, Gürcistan ve Ukrainağa yardım etemiz", - dedi AQŞ vekili.
Ukraina ve NATOnıñ ortaqlığı 2014 yılda Qırım ilhaqı ve Donbas çatışmasınıñ başlağanından soñ daa yaqın oldı.
